Falastinawa Sun Samu Goyon Baya Daga Yamanawa

Shafin yada labarai na Afaq ya bayar da rahoton cewa, kwamitoci da kungiyoyin Musulmi a Yemen sun fitar da bayani da ke yin kira zuwa ga taimakon al’ummar Falastinu.

Bayanan sun mayar da hankali ne kan ci gaba da mamayar yankunan Falastinawa da haramtacciyar kasar Isra’ila ke ci gaba da yi, tare da jaddada wajibcin daukar matakai na taka ma Isra’ila birki kan hakan.

Haka nan kuma bayanan sun nuna takaici kan yadda wasu daga cikin kasashen Musulmi da na Larabawa suka zama abokan kawance ga haramtacciyar kasar Isra’ila wajen kitsa makirci akan al’ummar Falastinu kamar yadda shafi Abna24 suka labarto.

Daga karshe Musulmin na Yemen sun jaddada wajibcin hadin kai tsakanin dukkanin kasashen Larabawa da na Musulmi kan batun Falastinu, da kuma daukar matakai na bai domin taimakon Falastinawa.